أمسـك طرف غترتي وأمش دمعاتك

(مــــــجــــنون زعـــــلاتــــكــ)

تزعل واراضيك واتلذذ بتزعيــــــــــلك
تبي الصراحه انا مجنون زعـــــــلاتك

لاقمت تبعد وانا اقرب وادنيـــــــــلك
وامسك طرف غترتي وامش دمعـاتك

وتبدي تعاتب وانا كل انتبـــااهي لك
ما اسمعك شتقول انا عيني على شفاتك

وتعيد حكيك وتفرك حيل منديـــــــلك
وتخالطت صادق حروفـــــــك بوناتك

واحاول ارضيك ومدري منين ابد يلك
واحتار واذكرك في بعــــــض زلاتك

واسمعك ماكتبته بك واغنيـــــــــــلك
طاروقك اللي تحبه واكسر سكاتــك

واستسمحك واعذرك واسمعك واشكيلك
واتلهف لبسمتك ورد ضحكــــــــــاتك

يسرقني الوقت ولا يمديني احكيلك
كلام اللي تحفظته لشوفـــــــــــاتك

وقت الوعد فات وعيوني تراعـيـلك
وقفيت واشغلت القلب بلتفــــــــاتك

عيني على خطوتك والقلب يدعيــلك
الله يحفظك من الحاسد وشمــــاتك

تزعل واراضيك واتلذذ بتزعيــــــلك
تبي الصراحه انا اعشق كل حالاتك