تلوث الهواء يقلل ذكاء الاطفال

اكدت دراسة جديدة ان الاطفال الذين يعيشون في احياء بها تلوث مروري كبيريكون حاصل ذكائهم اقل كما انهم يحققون نتائج أسوأفي اختبارات الذكاء بالمقارنة مع الاطفال الذين يستنشقون هواء انقى

يا سبحان الله , احنا بيتنا مو جدام شارع عام فا نادرا ما تمر السيارات ما أشوف نسبة تلوث كبيرة نفس الفحيحيل أو البيوت اللي يكون فيها شارع عام او اللي قريبة من شركة النفط و الغاز و اكثرهم ما يحطون مصفاة للمصانع و عذرهم انها غالية !!! انزين صحتك و صحة عيالك و اللي في ديرتك مو غالية بعد !!؟!! , بس ما شفت فيني ذكاء هع , انا اقول ان نسبة ذكائي متوسطة لا فوق و لا تحت انا كل شي فيني متوسط هع لا فوق و لا تحت حتى طولي كككككككك ..
ثآنكس على هالمعلومة ~

ولو العفو
أسعدني كثيرا مرورج وتعطيرج هذه الصفحه

وردج المفعم بالعطاء

في شغلة بغيت أوضحها مرة شفت بالجريدة أشجار قاطعينها و قاطينها بالشارع ..!!
يعني يخربون و يمشون , شدعوة عندنا غابات و أشجار كثيفة نفس الدول الأجنبية لأن هناك عندهم مدن و مناطق ريفية , و المناطق الريفية يقل فيها التلوث بشكل كبير و هم بالمدن ماكو عمارة أو بيت أو أي مكان بديرتهم إلا و فيه حديقة و يزرعون فيها كل شي لأن كثرة وجود النباتات و خاصة الأشجار ينقي الجو و مثل ما درسنا بالمتوسط إن الأشجار تمتص غاز ثاني أكسيد الكربون و تعطينا الأكسجين اللي من دونه ما في حياة على وجه الأرض ..
هذا بدال لا يزرعون و يخلون ديرتنا خضرا يمشون و يقطعون من هالأشجار اللي ممكن انها تقلل من تلوث الهوا , و لا شوفوا العذر أملاك الدولة أي أملاك المكان حتى عمارة ما أقدر أبني فيها أو مشروع تجاري هم ما أقدر أسويه بهالمكان خلوا هالأشجار تنقي الجو , نبي نبطل الدريشة الصبح و نشم هوا نظيف , اللي صج متأذين اللي بمنطقة أم الهيمان أو اللي بيوتهم قريبة من شركات النفط عاد شركات النفط ما تهمهم صحة اللي بالديرة اللي يهمهم الفلووس اللي تجي من ورا هالنفط , اهم لو يحطون مصافي لهالشركات جان احنا بخير , لأن مرات لما أبطل الدريشة الصبح عادي حلو الجو و نظيف لكن بالليل الله لا يوريكم و مرات يكون الجو مكتم بسبة هالشركات يبطلون علينا هالغازات و احنا يا غافلين لكم الله نايمين ما ندري عن شي ..

أبوي الله يحفظه و يخليه لنا يشتغل بشركة البترول فا يشوف أكثرهم مو مخلصين بشغلهم كللش , و حتى لو كانت مناصبهم كبيرة بهالشركة
, و كذا مرة يرقونه لأنه مخلص بشغله و ما شافوا منه إلا كل خير Smile

عاد أبوي يشتغل في المحاسبة و يعرف يحسب أرقام كبيرة أنا 1+1 و يمكن أستخدم آلة حاسبة بعد هههههههههه ما طلعت عليه What a Face

و الله حرام بروح ديرتنا ما فيها إلا بر و بحر وين نرووح , كل شي متدمر و متلوث , انزين احنا عادي بنعيش بس عيالنا و عيال عيالنا شلون بعيشون !!؟؟!!
انا اللي شفته من تلوث في البر والبحر ما أستبعد كثرة الأمراض في السنين الجاية ..

والله الصراحه ماتوقع ان يأثر على الذكاء ولاكن يأثر على الصحه وتقبل مروري