ألا يا وقت اضحك لي دخيلك خاطري مكسور .,.

الا يا وقت اضحك لي دخيلك خاطري مكسور ..
دخيلك مابقى فيني محلن فيه تطعني ..

تعبت أداري العالم وحزني داخلي محفور
تعبت أسمع لشكواهم ولابه منهو يسمعني ..

صبرت وقلت بتحمل ولكن ماهو بالمقدور
أخبي دمعتن طاحت على جفني تجرحني ..

أبي أبكي أبي أصرخ بفجر من دموعي بحور
لأن الدنيا ضاقت بي وكثر الصمت يذبحني ..

أبي أحكي أبي اشكي بقول اللي ببالي يدور
أبيهم كلهم يدرون وش اللي حيل محزني ..

لي قلبن امتلا بالجرح وصار الحزن به معمور
وصدرت يشتعل نيران لهبها دوم يحرقني ..

وهمومن مالها آخر على راسي تجي بالدور
وأمل ضايع وفرج صاير أناديله ويصد عني ..

الا يا وقت اضحك لي دخيلك خاطري مكسور
دخيلك ما مضى يكفي الا يا وقت ارحمني..

Nina Ricci

تسلم ايدج نيينا وفعلا قصيده بقمه الروعه

لكن الحزن مغطييها وانتي دايم القصايد الي تنزليهم كلها حزن بحزن الله يبعد الحزن عن الكل

وعساج عالقوه عالنقل الطيب

بانتظار الجديد

أول شي الله يسلمك و تشرفت بمرورك ..
ثاني شي .. الحزن كلمة محد يحب وجودها في الحياة لكن هي موجودة شئنا أم أبينا بس مو طول ما احنا عايشين ،
ساعات تصير لنا شغلات غصب عنا و تحسسنا بالحزن أو الإحباط ، و مثل ما يقولون ربنا كبير و هذا اللي أهم شي ان احنا نحسن الظن بربنا .
أبتسم و أضحك مع الناس لكن في داخلي طفلن يصيح و محدن سامعه <<< شرايكم بالإبداع ، هاذي من شخابيطي .. هع

صبرت وقلت بتحمل ولكن ماهو بالمقدور
أخبي دمعتن طاحت على جفني تجرحني ..

عزااااه جنها تقول يالله يا قلبي سرينا ضاقة الدنيا علينا صح لسانج ولسان من قالها وتقبلي مروري