((يـاويل قلبي ))

الســـــــــــــــلام عليكم ورحمة الله وبركاته

ஓ ياًاٍويل قلبي.. ஓ

ياويل قلبي كل مأشتقت لقياه ..

وشلون ماتشتاق عيني لعينه !!

أنا أدري إني حيل أحبه وأهواه ..

وأنا أدري إن القلب صار بيدينه !!

أموت انا به في غيابه وأحياه ..

وشلون أجل لو صافحتني يمينه !!

حاولت أنا أكتم عبرتي يوم فرقاه ..

وألملم جروح الزمان الطعينه !!

وأعطيه من قلب المعنى معناه ..

وآخذ من جروحه ولو هي دفينه !!

وأضيع به في زحمة الناس وانساه ..

وأنسى معه ذكرى السنين وحنينه !!

لقيت نفسي كل ماحل طرياه ..

عروق قلبي كلها تقول وينه !!

يامر على قلبي ولاشك ينهاه ..

كلي أنا تحت الإشاره رهينه !!

ماكل من يضحك سعيد بدنياه ..

وماكل من يبكي دموعه حزينه !!

أحدن بكى .. والكل يدري عن بكاه ..

وحدن مع الضحكه تحس بونينه !!

ياشين فرقى الحب وياشين بلواه ..

والمشكله دنيا بلا حب .. شينه !!

والزين مايكمل ولو كان ماحلاه ..

إلا حبيبي ماتغير بزينه !!

ماجيت أسولف عن حلاه ومزاياه ..

يكفي إحساسي وقلبي عارفينه !!

كن الفضا في غيبته ضاق مسعاه ..

وكني غريق ينتظر له سفينه !!

شف دنيتي ياصاحبي عقب فرقاه ..

مثل الظلام اللي حصل بالمدينه !!

بكتبه أنا في صفحة الشعر واقراه ..

وباذبحه بزود الغلا دون سكينه !!

وبارسمه في لوحة الشعر وانعاه ..

وبادفنه بين الضلوع الحنينه !!

بوسط الحشا داخل الصدر مشراه ..

إما يسار القلب وإلا يمينه !!

منقول تقبلوا تحياتي......

تسلم ايدينج يانور المنتدى

الله يســــــلمك نورت

تسلمين يا نور على هالقصيده الرووعه ..
عن جد كلمات القصيده روووووعه ..

أموت انا به في غيابه وأحياه ..

وشلون أجل لو صافحتني يمينه !!

*********************

ماكل من يضحك سعيد بدنياه ..

وماكل من يبكي دموعه حزينه !!

أحدن بكى .. والكل يدري عن بكاه ..

وحدن مع الضحكه تحس بونينه !!

الله يـــــــسلمج والاروع مرووووووورج

الاروع مروولج بسج بدليات شكلج توج قاعده من النوم ومضيعه

هههههههههههههههههههههههه

ابـــــــــــــــداع

يـــــــــــــسلمـــــــــو نــــــــورت