تحذير بنات الكويت

السلام عليكم ....

هذا ايميل وصلني طبعا لما شفته انصدمة من قبل في وحدة محذرتني بس على بالي تتغشمر او مثل سواف باقي البنات
وتخيلاتهم بس اليوم تاكدة مابي اطول اخليكم مع الموضوع .....

تحذير بنات الكويت <<ديرو بالكم من اي بنيه سيارتها مغيمة تحاول كلمج او تستفسرمنج بمسافط الكلية

بنات ديرو بالكم وانتو بالكليه بالمسافط او تخطرون الشارع او غيره من اي بنيه سيارتها مغيمه اليوم وانا راجعه البيت قاعده اسمع الراديوو برنامج الديوانيه مال الياقوت والأنصاري ومستضيفين محاااامي

والمحاامي يقول ان في سياره مغيمه بالكامل تسوقها بنيه وتسوي روحها مسكينه ومضيعه تسأل الطالبات بالمسافط والشارع عن الكليات والمبنى الفلاني والعلاني

الله يسلمكم هالسياره فيها شبااب وراا ومايبينون لأن السياره مغيمه عدل والبنيه تسوق والشباب ورا يختارون البنيه الي يبونهاا وتووقفها البنت الي تسوق وتسوي روحهاا انها مضيعه وماتعرف بالكليه وتسألها وتستفسر منها

فيون الشبااب يخنقونها ويقمتونها ويركبونها السياره غصب ويغتصبونها ويقطونها والله اليوم قطعت قلبي وحده يسولف عنها المحامي اغتصبوها وقطوهاا وتعقدت وما كملت دراستها قاعده بالبيت ونفسيتها حيل تعبانه

والمحامي يقول في وحده قامت تصاااارخ وتصرفت وفلتت منهم ويقول ان السالفه قديمه ومعروفه بس في بنات يخافون يقولون حق اهلهم او يبلغون يبون الستتر فالشباب حاطين فبالهم ومتأكدين ان البنات خواافين ومايقولون حق اهلم ولا راح يبلغون فماخذين راحتهم ويتمادون اكثر واكثر

يااربي انا بعرف هذيله ماعندهم اهل ماعندهمم خوات اذا اهما اخلاقهم جذي عندهم البنت الي تسوق نفس مستواهم شيبون ببنات الناس وخلق الله فيبنات ديرو بالكم مو اي بنت ماتعرفينها عدل تأمنين عليها وتطقينها صحبه بدون ماتعرفينها عدل ومو متأكده من اخلاقها وتطلعين معاها وتروحين لها اذا عزمتج وغيره وغيره وغيره على ابو انها بنيه عادي ....الزمن صاير اقشر ويخرع

وعسى الله ينتقم من كل ظالم قولو امين

اي شخص قرا هالاميل ينشره لوجه الله وبياخذ للاجر للانه بيحذر كثير ناس من هالكارثه وهالمصيبه ما يدرون حسبي الله ونعم الوكيل فيهم ..؟

الله يستر على بناتنا صج صار كل شي يخرع قامت تطلع سوالف من تحت الارض يعني هالسالفه احسسس قاعد بامريكا مو الكويت والله ماقول الا الله يعين الجميع ديروبالكم بنات والله الحافظ انشالله

اي والله احس صرنا بامريكا وين الامان وين الشسموونه عسى الله يستر على بناتنا بس

ومشكوره نور عالموضوع

العفو ماسويت شي والله هذا واجبي

يعطيج العافيه يا نور على هالموضوع ... والصرااحة شي ايخررع ..والله يكفينا شر عيال الحراام ..

الله يعافيج يالغلا من ناحية ايخرع فهو ايخرع
الله يستر بس