وقفة مع كل الشبااااب والبنااات..

السلام عليكم ورحمة الله وبركاته

اول شي كلامي موجبه لكل الناس الي يقرون هالموضوع ياجماعه ترى الوفيات زادت بسبة حوادث السيارات والسياكل والله لاحظو وترى لازم كل واحد مننا يحافظ على حياة الثاني والله حراااام حوادث تقطع القلب وتذبح الانسان وتضيع الارواح علشااااان شنووو؟ سباق؟ سيارة ؟ حديد في حديد ؟ سيكل بقي ؟ والله حراااام فكرو ياشباب والله السرعه والتهوور قاعد يمووتنا انا كتبت هالموضوع لان اليوم بالسالميه واحد بالسيكل طاح وكله دم ويبي يموت روحه بتطلع وخلاص انتهت حياته آخر انفاسه الناس سفطوا يكبون بأذنه يقولونله تشهد ياجماعه امانه تخيلو هالمنظر والله موحرام ؟ علشان سيكل ووناسه ؟ شنو يصير اذا تمشينا بالعدال شوي شوي نطلع نستانس انرد حق اهلنا سالمين احنا ناقصين ضيقة خلق؟ تكفووون ياخواني حافظ على نفسكم ترى احنا كلنا بنموت بس حرام نموت بسيارة وبسبة شي احنا شريناه ويبناه حق نفسنا اتمنى من الكل يقتنع من هالكلام وأسف على طوالة الكلام وسامحوني ويعطيكم العافيه موفقين يارب

الله يعافيج والله لو ماقلبي يعورني على هالسالفه جان ماكتبت وجوفي هالروابط واحد منهم رفيجي عبدالله صاحب الله يرحمه
https://www.youtube.com/watch?v=b5TT3fCa-4Q





https://www.youtube.com/watch?v=UwwJpxSmN5w&feature=related

يعطيك الف عافيه حساوي ماقصرت

يعطيك العافية على هالموضوع ... والله يكفينا شر الحوادث ويخلينا لأهلنا و أحبابنا يااارب
انا بقول قصة حادث أخوي اللي بشهر 10/2007 ... بس الحمدلله الله رد لنا أخووي ..
اهو كان دوامه شفتات وهذاك اليوم كان دوامه بالليل .. واهو رااد من الدوام الساعة ست الصبح
كان في باص على يمين سيارته .. واخوي كان مسرع وذيك الفتره كان صايم وداايخ ... فجأه لف الباص يساار ودعم سيارة أخوي من جدام بس من يمين ... والباص ما صار فيه شي بس دعمه خفيفه من وراا ... و لو كان في أحد مع أخوي كان مات .. و جهة اليسار الحمدلله ما صار فيها شي الدعمة كلها من جهة اليمين ... يعني اللي بيشوف سيارة أخوي بيقول هذاا ودع الدنيا ورااح .. وبعد ما دعم بشوي جا واحد الله يذكره بالخير ... ودق على الاسعاف .. عشان ينقذون أخوي ... لان أخوي كان وجهه كله دم ولثته شوي واتطيح و مفصل ايده متحطم ... بس أشوى اهو كان لابس نظاره والا كان تضررت عيونه ... ويوم اوصلت سيارة الاسعاف كانت مضيعة ومرت جداام بيتنا لان حادث اخوي كان عند الجسر اللي قريب من بيتنا وانا أسمع صوت سيارة الاسعاف قلت الله يكفينا الشر ...
ورحنا المدرسه ولما ردينا والا امي عيونها حمر من البجي .. قلت يما في شي .. بعدين قالت اخوج سوى حادث بس اهو بخير وفي المستشفى .. و قعدنا نبجي انا وخواتي .. أيام صعبه مرت علينا والله لا يعودها ... ويوم امي وابوي رااحو للمستشفى ... لان الزيارة كانت ممنوعه بس اسمحوا لامي وابوي ... و يوم اوصلوا و الا يشوفون اخوي وجهه متنفخ لونه أخضر وبنفسجي و ملامحه ما تبين .. وسووله عملية حق ايده و خيطوا لثته .. وبعد جم يوم قدرنا انروح نزوره ولما شفته على طوول ضميته وقعدت أبجييي .. الحمدلله ان الله لطف بحالنا و رد لنا أخوي ...
لاني ما اتخيل حياتنا بدون أخوي الكبير طبعا أخوي مو كبير عمره 22 سنه ...وبعد سنة تقريبا رد ايسوق أخوي ولما نطلع معاه كل ما نشوف باص نخاااف ..و صرت أكره الباصات .. بسبب هالحادث ..
انا طبعا ما قلت التفاصيل لان هالسالفه قديمه من 2007 وما أتذكر كل شي ... وعلى فكره ترى انا ما اعرف اقول قصص .. بس حبيت أشارككم بقصة أخوي ... والله يخليكم حق أهلكم ويكفيكم شر الحوادث اللي صارت زايده هاليومين ...
اللهم ارحم المسلمين والمسلمات الأحياء منهم و الأموات ...
و الله يصبر كل من فقد غالي وعزيز ... آآآمين يارب
قدر الله وما شاء فعل .. وإنا لله وإنا إليه راجعون ..
ويا شباب ويا بنات ادعوا ربكم انه يكفيكم شر هالحوادث لان لا يرد القضاء الا الدعاء ..
تقبلوا مروري
نينا ريتشي

الله يعافيك عبس مشكورين عالمرور نينا حمدالله على سلامت اخوج لازم تدفعون صدقه عنه او تذبحون له ذبيحه ترى الله نجاه من الموت والله يحفظنا جميعا وجميع المؤمنين والمؤمنات الله يعطيكم العافيه

مشكور اخوي عالنصيحه

وفعلا الحوادث كثرت

والحين بعد مطر وخيير والناس مستانسه بالجو وعاجبهم

ييون هالشباب واستعراض والبلاوي

وتاليتها الاهل اللى يبتلشوون


والله اليوم ولد يارنا بالشارع هم الاخ يقحص عالخفيف جان يدش بالشبه

شتسوه عليه والله ضحكت حدي

صج شر البليه مايضحك