كل الي اقدر اقوله الله يوفقها

هذي قصتي اللي للأسف ماتمنيت اني اطيح فيها بيوم من الايام وهذا الي كان مكدرني هالفترة
السالفة ومافيها اني حبيت بنت بالمعهد من سنة تقرييبا وكنا احلا اثنين نضحك ونتغشمر لكن اصدمتني لما شافتني وقالتلي ب___ن__د__ر انساني بدون مقدمات طبعا قلت ابالي اكيد تتغشمر لكن قالتلي لو سمحت لا ادق ولا ابيك اتضايقني بنظراتك لاني تعرفت على واحد بالمعهد حلو مزيون واذا تحبني انساني .....

طبعا انا اطالعها وابتسم وماتدري بالنار الي بقلبي ... قلتلها مشكورة والله يهنيج وحركت سيارتها وراحت
انا من الصدمة مو قادر اسوق نطرت شوي و رحت وسفطت عند باب المعهد وماتحركت .. دق علي واحد من الشباب وياي قالي في كويز تعال المهم دست على قلبي ورحت وبدال لا اكتب اسمي كتبت اسمها على الورقة وسلمت الورقة فاضية طبعا الدكتور شاف الاسم وطالعني حسباله استعبط وانا ماأدري اصلا لان عقلي مو معاي المهم وصل عندي والطلبه يكتبون ومشغولين بالكويز جان يوريني الورقة واشر على الاسم قلتله اسف والله بالي مشغول المهم ضحك وشق الورقة وقالي روح ريح والاسبوع الجاي راح اعيدلك ياه المهم طلعت وانا واقف يم سيارتي شفتها راكبة مع الرجال وطالعني وتضحك جنها تقول لقيت الي يسواك المهم ماتحملت ورحت القهوة والحين بقولكم الي كتبتة ولو سمحتو ماابي احد يدش بالتفاصيل ,,,,,,,,,

وشلون تنسى حبيباً وهو مـــغــلــيــك .. وشلون حـبـيـبـي تـبـغـيـنـــي انـــســــاك

لا والف لا لايمكن حبيبي اخــلــيــــك .. وشـــلـــون انــســى وانت بعيوني مـلاك

تدري وش معنى النسيان وانا هاويــك .. يعني تـفـارقــنـي حـــبــيـــبي بـــحـــلاك

بس انت فــكــر زيــــن بالي يــبــيــك .. انت حبي الاول ولازلت انا اهــــــــواك

آة حبيبي تبغي البعد قلي شــفـــيــــــك .. بس لو ابعدت اضحي لاجل لــقــيـــــاك

يـمـكـن بـلـقـيـاك اقــدر انا احاكــيـــك ..ترى مــشـتـاق اجـلـس واسولف ويــــاك

وودي اسولف بسوالف تــســلــيـــــــك .. وودي ارجع الماضي الي عشتة مـعاك

تـذكر يوم نــجـلـــس وانا احــــــزيـــك .. ترى ودي ارسم فرحة جديدة بـعـيـنــاك

انا حــبـيـبـــك الاول الي يـــوفـــيــــك .. وماظن حبيبي غيري بالحب وفـــــــاك

وشلون تــهـــجــــرني وانا شـــاريـــك .. دفعت عمري وروحي لاجل رضــــــاك

قدمت لك الورود واي شي اهـــديـــــك .. الـــحـــب لك والــعــمـــركلة فـــــــــداك

الله يسامحك ترى مــبــعــد يـــمــديـــك .. كذاب حبيبي من قال اني مــبــــغــــــاك

الله يسهل دربها ويوفقك مع اللي تستهلك وشكراَعلى القصيدة

امين الله يوفقها

صح لسانك اخوي كيو ووالله يستر عليها ويوفقها

يسلموووووووو

عشت على المرووووووووور

الصرااحه يا ولـ عبس ـد جبتها ... الي بس يدور المظهر مايدور الجوهر ... اي والله
.. لان أكثر الناس هالايام صاروا يهتمون للمظاهر ... ما عاد صارت تهمهم
القيم والاخلاق اللي موجوده في الشخص ..
هالبنت مغتره بالدنيا عشان جذيه .. محد يهمها لا قريب ولا بعيد .. واي انسان طيب وحنون
و فيه خير ما يسوي اللي سوته .. و انا أكره هالصفتين النفاق والخيانه ...
و الله يهديها .. لان هالشي ما رااح ينفعها لا في دنيا ولا في آخره ...
و كما تدين تداان .. و الظالم يشوف الظلم بأيامه ... ما راح يقدر يفر من اللي سوااه ... انت عبالك انها رااح تكون مستانسه باللي سوته .. اهي بستانس شوي بعدين بتلقا جزاها ..
انت لا تضيق خلقك عشانها اللي ما يبيك بيعه .. و الله يعوضك باللي احسن منهاا
صج ان مشاعر الحب ما تنسّى بسرعه .. بس مع الوقت رااح تنسى انك حبيتها ..
انا لو قلبي مال لاحد رااح ادوس على قلبي .. و ماراح ارضي شيطاني ... اللي يبيني ايرووح يطلبني من بيت أهلي .. و اللي رااح أقضي معاه باجي عمري اهو اللي يستاهل حبي له ..
لاني اذا حبيت حبيت .. و انا مو مستعجله على رزقي .. صج اني مشتاقه لهاالشعور .. و مرات أحس بشي ناقصني .. بس عادي .. من ترك شيئا لله عوضه الله خيرا منه ..
عشان جذيه انا مرتاحه ومو مدوخه راسي بسوالف الحب والغراام ..
بلييز يا كيو ايت لا تفهمني غلط بس هاذي كلمة حق وكلمة الحق ما ينزعل منهااا .. لاني الصرااحه انقهرت من اللي سوته فيك ..
تقبلوا مروري
نينا ريتشي

تسلمين يا نينا وانا اصلان نسيت لاني فكرت وحطيت عقلي براسي وشيطاني شووته فناقر هههههههه
من جذي انا مرتاح الحين....

الله يسلمك .. و صح لسانك على هالقصيدة .. وان شاء الله تلقى اللي تتمناها عشان تعيش سعيد ومرتاح ...
( وشيطاني شووته فناقر هههههههه )
هههههههههههههههههههههههههههههههههههههههههه .. الله يقطع بليسك ..