و عليكم السلام ،،
ايي والله الله يعينهم .. انا بعض البنات اللي معاي متزوجات و حوامل الله يسهل عليهم و يصبرهم اذا انا اللي ما عندي لا شغل و لا مشغلة أرد من المعهد و انا تعباااانه و مالي خلق لشي شلون لو هم !؟! ..
أنا احتمال احتمال ما أشتغل في المستقبل أحس صعب بأني أوازن بين الشغل و البيت .. مملكة المرأه بيتها مو مكان شغلها .. الدنيا ماراح توقف اذا قعدت بالبيت .. و مثل ما هو مكتوب في الأحاديث النبوية ان القوامة للرجل .. بس اللي أشوفه اليوم عكس اللي انكتب بهالأحاديث .. المره هي اللي تشتغل و تربي و تصرف و تودي و تجييب صارت آلة مو مره .. ليش أحمّل نفسي شي فوق طاقتي ..
ليش ألزم نفسي على شي انا مو مجبورة اسويه .. انا طبعا أتكلم عن وجهة نظري الشخصية و أكيد أكثركم عكس وجهة نظري من خلال هالموضوع حتى رفيجاتي ..
و مثلا لا تزوجت ان شاء الله أبي أكون موجودة بالبيت كل ما يرد زوجي يلقاني جدامه لا احتاجوا لي عيالي اكون جنبهم مو اخليهم مع خدامة جاهلة .. ما أبي أفارقهم و لا دقيقة أبي أشوفهم يكبرون جدامي مو اقضي عمري كلله في الشغل برى البيت ..
أنا قريت موضوع عن وحدة متزوجة و عندها عيال و فوق هذا تشتغل بس تقول تحسفت على السنين اللي راحت و هي بعيدة عن عيالها تقول اكبروا وهم بحضن الخدامة ..
و هم بهالعمر يحتاجون لحضن امهم اكثر من أي شخص ثاني .. انا مخي مو قدييم على قولة بعض الناس .. بس أشوف شنو الدور اللي يناسبني كبنت و في المستقبل ان شاء الله كزوجة و أم ..
بس ما يمنع إني أدرس و يكون عندي شهادة و إذا قدرت أكمل دراستي بكملها ليش لا .. صج ان الشهادة مهمة هاليومين بس مو أهم من الزوج و العيال و البيت ..
تقبلوا مروري
نينا ريتشي ~
الخميس أكتوبر 01, 2009 12:26 am
و الاسبوع الياي راح أداوم .......
