المعهد العالي للاتصالات والملاحة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المعهد العالي للاتصالات والملاحة


 
الرئيسيةأحدث الصورالتسجيلدخول

 

 دش وأضحك لا يطوفك

اذهب الى الأسفل 
كاتب الموضوعرسالة
عبدالله العازمي

عبدالله العازمي


ذكر عدد الرسائل : 86
المهنة/التخصص : كهربا والكترونات
تاريخ التسجيل : 11/05/2011

دش وأضحك لا يطوفك Empty
مُساهمةموضوع: دش وأضحك لا يطوفك   دش وأضحك لا يطوفك Emptyالإثنين مايو 16, 2011 7:26 am

السلام عليكم ورحمة الله وبركاته
هذي مجموعه من النكت قريتها وضحكتني حيل واتمنى ان تعجبكم وتنال على رضاكم:

* حرامي نذل دخل بيت.. ما لقى شيء يسرقه.. اتصل على أمريكا وترك السماعة مرفوعه!

* واحد يمشي ومعاه أرنب يبي يبيعه في السوق.. جاه محشش قال له: لو سمحت بكم القرد اللي معاك؟.. رد عليه البياع: هذا أرنب مو قرد يا حول.. قال المحشش: والحين انت من كلمك؟ أنا أسأل الأرنب.

* بدوي مسبّب زحمه بالشارع... ليش؟ مطفي السيارة ويحك اذنه بالمفتاح.

* سفن آب يركض في الشارع، وراه هنديه ليش؟ تبي النقطة الحمراء.

* في بدوي سألوه: ليش كسرت كاميرة المرور؟ قال: يا ولد مصورين أهلي.

* صعيدي سوّا عملية نجحت، سواها مرة ثانية.

* فيه واحد يسمونه "منشّف ريج البنات" ليش؟ من كثر ما يتفلون عليه.

* صعيدي ركض ورا حرامي طافه.

* في بقرة تتزين قدام المنظرة تقول: حسافه ها الوجه يتزوج ثور.

* أحول وخبل فتحوا مطعم فلافل. الأحول يحط الفلافل بره القلاية والخبل يقول: تشش.

* مدرس الرسم رسم خروف على السبورة وسأل طالب بدوي: ما هذا؟ الطالب: هذي عانِيَّه يا استاذ.

* سبعه أغبياء يتمازحون ماتوا أربعه قال الباقين: خلاص عاد لا تنقلب السالفة جد.

* ياهل حضري يلاحق ضب... ليش؟ عباله بوكيمون.

* غبي لابس بجامة وواقف يم قصر بيان ليش؟ علشان الناس يحسبونة ساكن فيه.

* صخلة لبنانية شافت تيس اماراتي يبكي.. قالت له: ليه عم تبكي؟ قال لها: بيذبحوني... قالت له: بعيد الشر.. قال لها: لا بعيد الأضحى.

* ناس يابوا شغالة وأول ما وصلت طلعوا بها للبر جلست تبكي وتقول: بابا.. ماما هادا كلو في كنس؟؟

* فيه نذل فتح بقالة كتب عالبيبسي (رجه جيدا قبل الاستعمال)

* أم طرزان تسوي ورق عنب... رجع طرزان وهو معصب يقولها ليش تلعبين في صراويلي.

* شنو الشي الأسود اللي فوق السور يقول ميو؟؟ غراب يستهبل.

* واحد نذل يوصي عياله بالنذاله قبل لا يموت قال: هاه يا عيالي ما أوصيكم النذالة ثم النذاله ثم النذاله.. يوم مات أبوهم ذبوه بالزبالة.

* أثول يسأل أخوه: الزيتون له رجلين؟؟ قال: لا.... قال: عيل اللي توه أكلته خنفسان؟

* فيه واحد سكران كان يسوق السيارة.. وقف عند نقطة تفتيش.. قاله الشرطي: لو سمحت الرخصه والدفتر..... قال السكران: أي بطل اللي أنت تتكلم عنه.

* غبي شرى وانيت موديل 2000 ... كل ما داس بنزين دق جرس السرعة... راح للوكالة وقال لهم: خير؟ داقين علي بيجر؟؟

* كسلان راح الحلاق وقعد على الكرسي وهو منزل رأسه، قال الحلاق: لحية ولا شعر؟ قال الكسلان: لحية لو سمحت... رد عليه الحلاق: ارفع رأسك! قال الكسلان: أقولك.. خله شعر.

* واحد عزوبي... المسكين إذا جاء يقول كلمه فيها حرف (ل) يتعتع؛ يعني إذا جاء يقول (ليل) يقول: لللللللللليل. المهم الرجال دايما يروح المطعم ويطلب عيش ودجاج.. يستحي يطلب لحم عشان ما يتعتع... وكل يوم على ها الحالة... جاء يوم وصمم يأكل لحم، قام طلع من الشقة وهو يقول: "للللللللللللللللل" وركب السيارة وهو يقول: "للللللللللللل" ويدور من عند الإشارة وهو يقول: "لللللللللللللللل" ويوقف عند المطعم وهو يقول: "لللللللللللل"... ودخل المطعم، ويوم وصل عند الجرسون قال: "لللحم وعيش"... قال الجرسون: "شنو تقول؟ ما سمعتك"... قال: "عيش ودجاج الله ياخذ عمرك".

* نذاله مجتمعين عند قبر ويضحكون.. ليش؟ مسوين دقة بالميت.. مو مغسلينه.

* نذل تبرع بدمه لهندي, لما صحى الهندي من الغيبوبه بلغ عن ثلالثة ما عندهم اقامات.

* نذل سألوه: ودك ابوك يموت وتارثه؟ قال: لأ.. ودي يندعم واخذ الديه والورث.

* نذل قرصته حيه قام يضحك ليش؟ فيه ايدز.
الرجوع الى أعلى الصفحة اذهب الى الأسفل
 
دش وأضحك لا يطوفك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المعهد العالي للاتصالات والملاحة :: المنتديات العامه :: استراحة المنتدى-
انتقل الى: